Plesk dhe cPanel: 5 gjëra që duhet t’i keni parasysh.

Çdo paketë e hostimit  vjen me një set kontrolli. Ne nuk mund të zgjedhim se cili është i disponueshëm atë ta marrim, më mirë do  të ishte të zgjedhnim në bazë se çfarë lloj hosti na nevojitet neve dhe cili lloj hosti i plotëson nevojat e webfaqes sonë.

Dy lloje të kontrollit që Porosit Web ofron janë WHM/cPanel dhe Plesk. Hostingjet e Linux kanë në pronësi WHM/cPanel kurse Windows Hosting ka Plesk.

Përdoruesit e IT platformën e zgjedhin në bazë të shijeve të tyre. E njëjta gjë vlen edhe për kontroll panelat e hostingjeve. Ka fansa të ndryshëm të tyre disa zgjedhin në bazë të dizajnit të tyre e disa në bazë të shërbimeve të ndryshme që ato ofrojnë.

Mirëpo shpesh zgjedhja jonë bëhet, ne bazë të nevojave personale që kemi.

Nëse dëshironi përgjigje direkte rreth Plesk dhe cPanel, mund të jetë e vështirë ta dallosh faktin nga opinioni. E vërteta është se të dyja janë shumë të ngjashme me njëra-tjetrën, kanë aplikacionet po thuajse të njëjta që të dyja. Të dyja funksionojnë për mrekulli edhe plotsojnë nevojat e klientit.

Që të dyja këto kontroll panele lejojnë që të konfiguroni webfaqen tuaj, të shikoni statistikat, të konfiguroni emailat, të shikoni fajllat të cilat i keni të ngarkuara në server etj. Dallimi kryesor është se si këto të dyja janë të organizuara. Krijuesit e cPanel dhe Plesk panel kanë trajtuar mënyra të ndryshme rreth organizimit të shërbimeve që këto ofrojnë.

1.USER INTERFACE.

Ndoshta pamja se si duken këto të dyja nuk duket që të ketë edhe aq rëndësi mirëpo kjo pikërisht është ndër të parët detaje që përdoruesit i dallojnë.

Plesk zakonisht dallohet për qartësi dhe interface më tërheqës dhe unë personalisht pajtohem me atë, mirëpo cPanel është më i popullarizuar, dhe ngaqë përdoruesit në një farë  mënyre janë familjarizuar me të, ata gjithnjë do argumentojnë se interfejsi i cPanel-it është më atraktiv.

Mbajeni në mend se cPanel është i përhapur më shumë, dhe gjithashtu cPanel ka ndodh që është modifikuar dhe maskuar në mënyra të ndryshme nga përdorues që dëshirojnë pamje tjetër të panelit të tyre.

2.ÇMIMI.

Për shumë përdorues, Cpanel është më i lirë se Plesk Paneli.

cPanel mund të kushtojë deri në 425€ për 1 vit në një Host të Dedikuar, që do të thotë diku rreth 35€ në muaj.

Plesk, për një plan të njejtë si ky që e cekëm më sipër, kushton rreth 40€ në muaj.

Për më shumë detaje, cmimet e tjera mund ti shikoni në webfaqen e partnerit tonë për hostim getezdomain.com

3.Mbështetje nga Sistemi Operativ Windows.

cPanel funksionon vetëm në CentOs, RedHat, Linux, dhe nuk mund të funksionojë në Windows.

Plesk nga ana tjetër, nuk funksionon në Linux mirëpo funksionon në Windows

Qartazi dallohet se Plesk është më i përshtatshëm, më fleksibil, mirëpo kjo ska rëndësi pasi që pjesa më e madhe përdorin tmerrësisht me më shumë dëshirë cPanel.

4.KONTROLL PANELAT.

cPanel vjen me një kontroll panel të vetin të posaqëm WHM (Web Host Manager), të cilët mund ta shohin vetëm ata përdorues që kanë blerë VPS (Virtual Private Server), dmth ata që kanë Host të ndarë me të tjerët (Shared Hosting) nuk e kanë këtë mundësi. Në këtë rast cPanel është për kontrollimin e webfaqeve, kurse WHM për kontrollimin e cPanel-ve.

Plesk nga ana tjetër ka vetëm një sistem logimi për kyçje në të, është e ngjashëm me cPanel por opsionet që këto të dyja ofrojnë dallojnë njëra me tjetrën.

5. MIGRIMI NGA HOSTI NE HOST.

Njëra nga ankthet e çdo web developer ndoshta është transferimi i një webfaqe nga një host në tjetrin apo nga cPanel në Plesk (E cila është thuajse e pamundur).

Do të thotë nëse njëher zgjedhni cPanel ose Plesk Panel mos i ndryshoni më, migrimi i webfaqeve mes këto të dyjave nuk është i pamundur por mbase do ju duhet që të paguani një ‘Maestro’ ose nëse ju nuk jeni i aftë teknikisht do t’ju paraqiten probleme të ndryshme.

TE ZGJEDHIM CPANEL APO PLESK ?

Si Plesk ashtu edhe cPanel që të dyja janë të shpejta, të sigurta dhe stabile. Nese je i ri në këtë profesion dhe nuk ke dijeni të mjaftueshme rreth hostingut, zgjedhni një Web Host që ju ofron tutoriale dhe demo rreth cPanel dhe Plesk.

Për përdoruesit ekzistues, problem më i madh qe s’do dëshironin që t’ju ndodhte kurrë është migrimi nga cPanel në Plesk apo anasjelltas. Nëse tashmë jeni në ndonjërën nga këto dy kontroll panele, anashkaloni të gjitha mundësit për ta ndryshuar, vetëm nëse duhet patjetër. Jo vetëm që do detyroheni të mësoni një lloj tjetër të kontrollit të panelit, po problemet që dalin gjatë migrimit mes këtyre dyjave mund të jenë një ankth i vërtetë.