Mund të ngjajë si surprizë, por shumë kompani të mëdha dhe të vogla tashmë kanë zhvilluar një strategji reklamimi duke përfshirë në mënyrë të arsyeshme dhe internetin. Duke marrë parasysh faktin që interneti është përdorur prej shumë kompanive për reklamimin qysh prej vitit 1994, çdo organizatë që nuk ka një strategji që e shfrytëzon internetin për reklamim ka gjasa të jetë duke bërë një gabim të madhë. Ka të paktën dhjetë arsye që e mbështesin këtë.
1. Pika hyrëse për informacion
Arsyeja më bindëse pse kompanitë kanë nevojë të kenë një strategji marketingu aktive interneti është për shkak të transformimit që ka ndodhur në mënyrën e kërkimit të informacionit nga ana e konsumatorit. Ndërsa konsumatorët ende vizitojnë dyqanet, flasin me përfaqësuesit e shitjeve, shohin përgjatë magazinave dhe flasin me miqtë, një numër gjithmonë në rritje i konsumatorëve kthehet nga interneti si burim kryesor i gjetjes së informacionit.
2. Çfarë presin konsumatorët?
Interneti po transformohet jo vetëm në burim zgjedhjesh për individualizimin e informacionit, por gjatë viteve të ardhshme pa mëdyshje është e mundur që ai të bëhet vendi i pritur ku konsumatorët mund të mësojnë rreth produkteve dhe të bëjnë blerje. Kjo mund të ndodh veçanërisht për konsumatorët nën moshën 25 vjeçare. Në shumë vende, pothuajse të gjithë fëmijët dhe të rriturit kanë arritur të mësojnë si ta përdorin internetin.
3. Informacioni mbi aktivitetin e konsumatorit
Çdo herë që një vizitor hyn në një web faqe ai lë një gjurmë informacioni që përfshinë: si ka arritur në këtë sajt, si ka lundruar në këtë sajt, mbi çfarë artikulli ka klikuar, çfarë ka blerë dhe plotë informacione të tjera. Duke njohur sjelljen dhe preferencat e konsumatorit, reklamuesit i jepen mundësi të jashtëzakonshme për t`i shërbyer nevojave të tij. Nëse kjo punë është bërë në mënyrë të drejtë atëherë konsumatori do t`i përgjigjet kompanisë me një besnikëri të përhershme.
4. Identifikimi i konsumatorëve potencial për blerje
Rruga më efikase për reklamuesit përsa i përket shpenzimit të parave, është orientimi i këtij buxheti drejt atyre konsumatorëve që kanë gjasa të jenë më tepër të interesuar për produktet që kompania ofron. Për fat të keq përpjekjet për të shenjëstruar vetëm konsumatorët që ofrojnë mundësi të blejnë nuk është e lehtë.
Për ta ilustruar bëjmë një pytje: Sa para janë shpenzuar për reklamat e televizioneve për një popullatë që sipas gjasave nuk do blejë? Tashmë interneti në mënyrë të parivalizueshme të jep mundësinë të identifikosh konsumatorët të cilët shfaqin potencialin më të madh për blerjen e produkteve.
5. Nxit blerjet impulsive
Nëse konsumatori e pëlqen një produkt/shërbim apo jo, interneti rezulton të jetë vendtakimi i fundit për të bindur blerjet impulsive. Shumë prej kësaj mund t`i atributohen reklamuesve që përfitojnë nga përmirësimet në tekonologjitë, të cilat:
– Lejojnë që një web faqe të ofroj sugjerime për produktin bazuar mbi sjelljet e konsumatorëve në një blerje online dhe
– Të përcaktojë trajektoren e procesit të blerjes online. Por blerjet impulsive online të japin gjithashtu avantazhin “bli tani, paguaj më vonë”, veprim tepër i rëndomtë i një shoqërie që shpenzon shumë nëpërmjet kartave të kreditit.
6. Oferta sipas porosive të mallrave dhe shërbimeve
Kompanitë e dinë që mund të krijojnë konsumatorë besnikë kur ofertat e produkteve dhe e shërbimeve janë të destinuara për të kënaqur nevoja të personalizuara. Kjo ka kushtëzuar shumë marketerë të përcaktojnë një strategji masive adaptuese duke i ofruar klientëve online konfigurimin e produktit ose shërbimit.
7. Blerja menjëherë pas leximit të reklamës
Asnjë lloj tjetër komunikimi si interneti nuk vjen kaq pranë procesit të shëndrrimit të promocionit në një veprim të menjëhershëm të klientit. Me fjalë të tjera, interneti jep mundësi konsumatorit të bëjë blerje menjëherë pasi është vënë në dijeni nëpërmjet reklamës. Para internetit, “thirrja për blerje” më produktive ishte përmes informuesve televiziv që këshillonin shikuesit të telefononin në numrat falas të telefonit. Megjithatë, lëvizja e konsumatorëve nga një gjendje jo aktive (p. sh. duke parë TV) në një gjendje aktive (p. sh. të shkojnë të kapin telefonin për të bërë telefonatën) nuk është kaq efektive sesa të bindësh njerëzit për të klikuar një reklamë interneti, ndërsa ata janë aktivisht duke e përdorur atë.
8 .Imazhi si furnizues i llojit “Shërbim-i-plotë”
Për shpërndarësit dhe shitësit me pakicë interneti jep mundësin më të lehtë për të qenë furnizues i kompletuar. Në ndryshim nga furnitorët e llojit “brick-and-mortar” (tulla dhe llaq) që shpesh gjykohen nga inventari që kanë në dispozicion ose shërbimet që kanë kryer diku në një magazinë, faqet e tregtisë elektronike mund të japin iluzionin e disponimit të një inventari të pafund duke ju përgjigjur ofertave.
9. Shpenzimet më të ulëta, kosto më të ulëta, shërbime më të mira
Teknologjitë e internetit janë duke zëvendësuar metodat më të kushtueshme për transportin e mallrave dhe shërbimeve si dhe për menaxhimin e informacionit mbi nevojat e konsumatorit. Reduktimi i kostove mund të duket qartë tek produktet dhe shërbimet që mund të shpërndahen në mënyrë digjitale (p. sh. muzika, publikime, dizajnimi grafik etj. ) ku shpenzimet e prodhimit dhe transportit thelbësisht janë fshirë nga ekuacioni i kostove. Shkurtimet e kostove mund të shihen gjithashtu në fushat e tjera të marketingut ku volumi i telefonatave të klientëve mund të reduktohet meqenëse kompanitë krijojnë mundësinë të informohesh mbi produktin online, përmes shërbimeve të tilla siç janë: “Bazat e Njohurive” dhe nëpërmjet Pytje e Përgjigje më të shpeshta (FAQ – Frequency asked questions). Njerëzit që merren me shitjet në terren gjithashtu mund të përfitojnë nga perspektivat inkurajuese për të ndarë informacione rreth produkteve online më parë se të takohen me klientin kokë me kokë. Kjo mund të kontribuoj për ata në shkurtimin e kohës që u duhet për të shpjeguar informacionin bazë rreth produktit dhe kompanisë dhe për t`u lejuar më shumë kohë për të kuptuar dhe ofruar zgjidhje problemeve të konsumatorit.
10. Krijon një prezencë globale
Interneti është një kanal komunikimi dhe shpërndarje që kërkon mundësinë globale të hyrjes tek produktet e kompanië dhe shërbimet e ofruara. Përmes një web faqeje një marketer lokal mundet që shumë shpejtë të shëndrrpohet në një marketer global dhe duke bërë këtë zgjëron tregun e synuar potencial shumë herë më shumë se përmasat aktuale. Në ndryshim nga kohët para tregëtisë elektronike kur marketingu në shkallë ndërkombëtare kërkonte shumë kohë dhe shpenzime, mbingarkimi i fajllave për të krijuar një web faqe është mëse e nevojshme për të krijuar një prezencë globale. Ndërsa ngritja e një web sajti nuk garanton shtije ndërkombëtare (duhet shumë më tepër punë marketingu që një sajt të jetë i suksesshëm në shkallë ndërkombëtare), në krahasim me kohët e para – interneti ofron mundësinë e një kërcimi gjigant në biznesin botëror.
