Një webfaqe është një pasqyrë digjitale e biznesit tuaj në botën online. Përmes një webfaqeje, ju mund të prezantoni produkte dhe shërbime, të ndërlidhni me klientët dhe të krijoni një prezencë të fuqishme në internet. Në një botë gjithnjë e më të digjitalizuar, të kesh një webfaqe është thelbësore për të rritur besueshmërinë dhe për të tërhequr klientë të rinj.
Një website është një koleksion dokumentesh që i njohim si faqe (webpage) ose thjesht faqe, të cilat përmbajnë dokumente të ndryshme, fotografi, tekste dhe animacione. Faqja kryesore e një website quhet Homepage, ndërsa në websitet shqiptare shpesh quhet Ballina ose Faqja Kryesore. Të gjitha faqet dhe nënfaqet në një website janë të lidhura përmes lidhjeve të quajtura Hyperlinks. Kur klikojmë mbi një hyperlink, ai na çon në një faqe tjetër të website-it.
Webfaqet krijohen me një gjuhë të veçantë për internet që quhet HTML (HyperText Markup Language). HTML i tregon shfletuesve (programeve të posaçme që mundësojnë kërkimin e dokumenteve në internet, si Internet Explorer, Google Chrome, Firefox Mozilla, Opera, Safari, etj.) se çfarë informacioni të shfaqin dhe si të duket ai.
Në ditët e sotme, nuk keni nevojë të keni njohuri të thella programimi për të krijuar një website. Platforma si WordPress ju lejojnë të krijoni dhe menaxhoni faqe interneti lehtësisht, duke përdorur ndërfaqe të thjeshta për përdoruesit dhe një shumëllojshmëri temash dhe shtojcash që e bëjnë procesin shumë më të lehtë dhe më të shpejtë.
Websitet ruhen në servera, të cilët janë rrjete kompjuterësh të dizajnuar për të ruajtur website-in tuaj. Hapësira në një web server blihet dhe mirëmbahet nga persona të caktuar. Për shembull, GoDaddy është një web hosting provider ku mund të blini hapësirë për website-in tuaj, emrin e website-it tuaj, mirëmbajtjen e tij dhe shumë shërbime të tjera. Hostimi në një server siguron që website-i juaj bëhet publik dhe njerëzit e tjerë mund ta shohin dhe të marrin informacionet e nevojshme pa lëvizur nga shtëpia.
Sot, të kesh një website është po aq e rëndësishme sa të kesh një kartëvizitë para 20-25 vitesh. Një website ju jep një prezencë profesionale online, rrit besueshmërinë tuaj dhe lejon klientët potencialë të gjejnë informacionin që u nevojitet për ju dhe shërbimet tuaja.
Bashkëpunimi me ne për krijimin e një webfaqe ju ofron disa avantazhe:
Zgjidhni të punoni me ne dhe siguroni që prezenca juaj online të jetë e fortë, profesionale dhe efektive.