SI TË ZGJEDHIM EMRIN PER WEBFAQEN TONË?

Historiku i shkurtër

Para vitit 1984, kur së pari herë u krijua një nameserver, asokohe nuk kishte emra të domainëve por kishte vetëm numra si: http:// 192.186.236.96/ , kjo ishte mënyra e vetme për ta gjetur një web. Paramendojeni po të kishte kësilloj numrash në vizitkartën tënde do ishte një tmerr i vërtet.

Më pas në vitin 1985 emrat e domainëve(webfaqeve) me prapashtesat si .COM, .NET, .ORG erdhën në jetë. Dhe sot me këto prapashtesa ka miliona webfaqe dhe numri i tyre vazhdon të rritet nga dita në ditë.

Një emer i webfaqes (domain) kushton diku rreth 10€ në vit, mirëpo ekzistojnë edhe domain premium të cilëve çmimi mund t’iu shkoj edhe deri në 20,000€ e më shumë. Në këtë link mund ta gjeni listen e domainëve më të shtrenjtë në histori.

Pse të gjejë një prapashtesë .COM për webfaqen time?

52% e të gjitha webfaqeve në botë janë me prapashtesën .COM përveç webfaqeve të qeverive, fakulteteve, organizatave etj(të cilat zgjedhin .ORG, .UNI etj). Prapashtesa .COM zakonisht zgjedhet më para se të gjitha prapashtesat tjera sepse .COM do të thotë Kompani (Company). Shumica e njerzëve zgjedhin .COM për arsye se është më e popullarizuara dhe jo se e dinë kuptimin e saj.

Çka nëse webfaqja ime nuk mund ta ketë prapashtesën .COM?

Atëherë provojeni ndonje alternativë tjetër të emrit të faqes tënde, përshembull shtojeni ndonjë vize si porosit-web.com apo oferta-suksesi.com. Gjithashtu ju mund të zgjedhni emër të webfaqes në bazë të produktit që ju ofroni edhe nëse firma juaj nuk e ka atë emër. Nëse merakoseni për emrin e firmës nuk keni pse, sepse edhe më vonë ju mund të zgjedhni çfardo domaini të doni dhe domainin e mëparshëm mund ta ridrejtoni tek ky i riu. Përshembull HOSTINGKOSOVA.COM do ju ridrejtoj tek linku i POROSITWEB.COM. Provojeni!

Çka nëse nuk ka domain të lirë me prapashtesën .COM?

Duhet të përdor .NET?

Nëse duhet patjetër që të perdoresh atë emer të cilin e keni ngulitur ne kokë dhe nuk mund ta gjeni me prapashtesën .COM atëherë ju mund ta zgjedhni edhe prapashtesën .NET. Këto prapashtesa zakonisht janë të përdorura nga kompanitë që kanë të bëjnë me teknologji pasi që .NET=NETwork apo interNET.

Mirëpo nuk mund edhe ta zgjedhni përshembull mishtore.net në vend të mishtore.com sepse .NET dhe mishi nuk ka lidhje me teknologji apo diçka të këtij lloji.

Duhet të përdor .ORG?

Nëse jeni ndonjë lloj organizate qeveritare apo jo qeveritare, fitimprurëse apo jo fitimprurëse, atëherë prapashtesa më e mirë për webfaqen tuaj do ishte .ORG. Këtë lloj prapashtese mund ta zgjedhin të gjithë mirëpo nuk është e rekomanduar për ndërmarrje apo kompani të ndryshme, përndryshe çfarë kuptimi do kishte domaini mishtore.org!